Opisyal nga gisugdan ang Lapu-Lapu City Mayor’s Cup Inter-Barangay basketball and volleyball tournaments niadtong Dominggo, Abril 14, 2024, sa City Auditorium sa Barangay Poblacion, Lapu-Lapu City.
Ningtambong sa opening ceremony sila si Mayor Junard “Ahong” Chan ug ang iyang kapikas sa kinabuhi nga si Congresswoman Cindi Khan-Chan.
Ang kalihukan gisugdan pinaagi sa usa ka parada sa tanang partisipanteng teams sa kompetisyon, nga gipasiugdahan sa Lapu-Lapu City Government pinaagi sa Lapu-Lapu City Sports Commission.
Ningtambong sab sa opening ceremony ang city councilors ug barangay captains sa 30 ka mga barangay lakip na ang SK chairpersons ug SK federation. / ESL