Lasang nasunog

 Google map
Sibonga. Google map

Lasang sa bukiran sa Purok Avocado, Sityo Cansantic, Barangay Bato, lungsod sa Sibonga naabtan sa grass fire hinungdan nga nisilaob alas 10:30 sa buntag, Martes, Mayo 21, 2024.

Si F01 Jasper Reponte sa Bureau of Fire Protection (BFP) sa Sibonga nga gikahinabi sa Superbalita Cebu niingon nga ang grass fire nilungtad pa sa alas 7 sa buntag sa Miyerkules, Mayo 22, 2024.

Atol ning pagsuwat, wala masuta sa kabumberohan ang gilapdon ug danyos sa sunog kay ila pang susihon ang dapit.

Sumala sa kapulisan, naglisod sila sa pag-abot sa dapit kay naa sa tumoy sa bukid hinungdan nga nagpaabot na lang sila sa pagkabuntag sa paglurang sa kayo.

Gibantayan na lang sa kabumberohan nga dili makakatap sa ubos nga bahin nga duna nay kabalayan. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph