Nabalik ang kabangis ni Marcio Lassiter sa opensa ug usa kini sa dakong hinungdan sa mainitong kampanya sa San Miguel Beermen sa Philippine Basketball Association (PBA) Season 48 Philippine Cup.
Sa niaging semana, nag-average si Lassiter og 16.5 puntos, 4.5 rebounds ug 2.5 assists aron agakon ang Beermen sa duha ka sunodsunod nga kadaugan nga nag-inat sa ilang limpyong rekord ngadto sa 7-0.
Tungod niini, napili si Lassiter isip labing bag-ong PBA Press Corps-Pilipinas Live Player of the Week alang sa petsa, Abril 17-21, 2024.
Nalupig ni Lassiter sa inilugay ning maong pasidungog ang iyang kauban nga si CJ Perez ug si Mark Barroca sa Magnolia Ang Pambansang Manok Hotshots. / ESL