GIKUHA sa nag-unang Philippine boxing promotional outfit Sanman Promotions ang kanhi amateur standout Criztian Pitt Laurente.
“We are very happy to welcome Criztian Pitt Laurente to Sanman Boxing. We thank him for trusting us to guide him toward becoming a world champion, and I truly believe he will be a world champion,” matod ni Sanman Promotions CEO JC Manangquil.
Sa Sanman Promotions, ikauban ni Laurente ang dekalidad nga mga boksidor sa Pilipinas nga sila si World Boxing Council (WBC) minimumweight champion Melvin Jerusalem, kanhi unified super-bantamweight king Marlon Tapales, ug kanhi interim WBC bantamweight titleholder Reymart Gaballo.
Si Laurente, 25, nagpasalamat sa Sanman ug nisaad kini nga buhaton niya ang tanan niyang makaya aron makahatag og dungog sa nasod. Naggunit si Laurente og 14-0, 9KOs nga rekord. / EKA, ESL