Wala pa mailhi sa kapulisan kining usa ka patay’ng lawas sa lalaki nga napalgan nga nag-ubo alas 6:15 sa buntag Huwebes, Hulyo 31, 2025, sa may Canton Beach, Sitio Balot Barangay Cansojong, Dakbayan sa Talisay.
Ang biktima gibanabana nga nag-edad og 30 ngadto sa 40-anyos dunay bukol sa agtang, adunay mga tattoo sa iyang mga bukton.
Nagsul-ob og kolor green nga t-shirt, naka-short og itom.
Walay nakuhang dukomento o pitaka sa iyang bulsa.
Si Roel Labajo, sakop sa Bantay Dagat, sa Talisay nakugang sayo sa buntag dihang naabot siya sa dapit gikan nipanso sa pag-duty.
Iyang gituohan nga posibling giataki ang biktima nga naabot sa lugar.
Samtang ang chief tanod sa Cansojong nga si Joel Vega nibutyag nga walay nakaila sa biktima sa maong dapit.
Ang mga personnel sa Scene of the Crime Operatives (Soco) walay nakitang timailhan nga gihilabtan ang biktima. Adunay bukol sa tuong agtang nga posibling nabun-og dihang natumba. (GPL)