Usa ka wa mailhing lalaki patay na nga nadiskubrihan nga naglutaw alas 8:20 sa buntag sa Sabado, Disyembre 30, sa kadagatan sa Sityo Sta. Maria, Brgy. Pusok, Siyudad sa Lapu-Lapu.
Base sa pasiunang imbestigasyon sa kapulisan sa Lapu-Lapu Police Station ubos sa kamanduan sa ilang hepe nga si Police Major Dexter Basergo, nasayran sa Superbalita nga usa ka concerned citizen ang nitaho kanila bahin sa lawas.
Usa kini ka lalaking naghukas, may samad sa ulo ug nag short pants og kolor orange.
Matod ni Basergo nga ni-request sila og mga personnel sa Scene of the Crime Operation (Soco) personnel aron mohiling sa lawas.
Gihulagway sa police official nga nagkadugta na ang panit ug gituhoan nga sobra na sa usa ka adlaw nga kini namatay.
Sa pagsuwat ning taho, wa pa mailhi sa kapulisan ang lawas.