Andam si Los Angeles Lakers superstar LeBron James nga kunhoran og dako ang iyang suweldo sa sunod season sa National Basketball Association (NBA) aron moluag ang salary cap sa Lakers ug makakuha kini og mga dekalidad nga magduduwa nga makatabang sa four-time MVP.
“He is prioritizing a roster improvement,” matod sa agent ni James nga si Rich Paul nga napatik sa www.cbssports.com.
Gibuhat kini ni James niadtong 2010 dihang nitapon siya sa Miami Heat. Nakalabni og duha ka kampiyunato ang Heat tungod ning maong lakang ni James. / Gikan sa wires