Wala pa man tuod gihapon klaro kon kanus-a makabalik pagduwa si Los Angeles Lakers superstar LeBron James sa National Basketball Association (NBA), apan gituohan nga hapit na.
Nagkanayon si coach JJ Redick sa Martes, Nobiyembre 11, 2025 (PH time), nga niapil si James sa praktis sa G League affiliate squad sa prangkisa nga mao ang South Bay Lakers.
Si James, 40, wala pa nakaduwa sa 2025-26 season sa iyang nasinating angol (sciatica) atol sa training camp sa Lakers. / Gikan sa wires