Gilimod sa agent ni LeBron James ang hungihong nga buhian sa Los Angeles Lakers ang beteranong player sa di pa matapos ang trade deadline sa National Basketball Association (NBA).
Matod ni agent Rich Paul nga di tinuod ang mga istorya ug wa pud sila mangayo og trade sa Lakers management.
Gitakda karong Pebrero 9 (PH time) ang NBA trade deadline.
Nagduda ang mga netizen nga mobalhin napud og laing team si James tungod sa hourglass emoji post niini sa iyang X account (kanhi Twitter) human gipilde ang Lakers sa Atlanta Hawks.
Komento pa sa netizen nga ilado gyud si James nga mobiya sa team kon nagkalisod na kini kay nabuhat man kini niya kaniadto makaduha sa Cleveland Cavaliers ug kausa sa Miami Heat.