Mikulit na sab og kasaysayan si Los Angeles Lakers superstar LeBron James human siya napiling All-Star starter sa ika-20 nga higayon sa National Basketball Association (NBA).
Nabuak ni James ang rekord ni Kareem-Abdul Jabbar, kinsa napiling All-Star starter sulod sa 19 ka mga higayon.
Kauban ni James sa Western Conference starting lineup mao sila si Kevin Durant sa Phoenix Suns, Nikola Jokic sa Denver Nuggets, Luka Doncic sa Dallas Mavericks ug Shai Gilgeous-Alexander sa Oklahoma City Thunder,
Ang Eastern Conference starters mao sila si Damian Lillard ug Giannis Antetokounmpo sa Milwaukee Bucks, Jayson Tatum sa Boston Celtics, Joel Embiid sa Philadelphia 76ers, ug Tyrese Haliburton sa Indiana Pacers.
Ang All-Star Game ipahigayon karong Pebrero 18, 2024 sa Indaniapolis.