Makakulit og laing rekord si Los Angeles Lakers superstar LeBron James sa 2025-26 season sa National Basketball Association (NBA) isip labing unang magduduwa sa kasaysayan nga makaabot og 23 ka seasons sa liga.
Nianinaw kini human nakadesisyon ang four-time MVP nga gamiton ang iyang $52.6 million player option aron padayong moduwa sa Lakers sa umaabot nga season.
Nagkanayon ang nagdumala ni James nga mao si Klutch Sports CEO Rich Paul nga gusto sa all-time leading scorer nga makaangkon kini pagbalik og kampyunato sa dili pa kini hingpit nga moretiro.
“LeBron wants to compete for a championship,” matod ni Paul sa interbyu sa ESPN.
“He knows the Lakers are building for the future. He understands that, but he values a realistic chance of winning it all.”
Hinuon, giangkon ni Paul nga dili sayon ang pagsakmit og titulo ning panahuna apan andam si James nga buhaton ang tanan aron matabangan ang Lakers nga makapatong sa labing taas inig human sa sunod nga season.
“We understand the difficulty in winning now while preparing for the future. We do want to evaluate what’s best for LeBron at this stage in his life and career,” pasabot ni Paul.
“He wants to make every season he has left count, and the Lakers understand that, are supportive and want what’s best for him.”
Si James, 40, nakabaton na og upat ka mga titulo isip usa ka magduduwa ug nahitabo kini niadtong 2012 ug 2013 dihang nagduwa pa siya sa Miami Heat, 2016 dihang nagduwa pa siya sa Cleveland Cavaliers ug sa Lakers niadtong 2020.
Madugangan o dili ang titulo ni James, dili na kini makatay-og sa legasiya nga iyang naumol sa iyang pagduwa sa liga diin dili na maihap sa tudlo ang mga rekord nga iyang nahimo.
Si james, kinsa nakapakita og aksyon sulod na sa 1,562 regular-season games, kuwangan na lang og 50 ka mga duwa aron mabuak ang rekord ni Hall of Fame member Robert Parish.
Sa kasamtangan, nagtabla sila si James ug Vince Carter sa labing daghang seasons nga naduwaan (22), rekord nga nakatakdang mabuak ni James sa sunod season. / Gikan sa wires