Gihimo na nga opisyal ni LeBron James nga magpabilin siya sa Los Angeles Lakers alang sa iyang ika-22 nga season sa National Basketball Association (NBA).
Ang NBA all-time scoring leader niuyon sa duha ka tuig nga bag-ong kontrata sa Lakers nga maghatag kaniya og kahigayunan nga ikauban pagduwa ang iyang anak nga si Bronny sa dili pa siya hingpit nga moretiro.
Gihimo kini ni James human nakapirma og upat ka tuig nga kontrata sa Lakers si Bronny.
Si James, 39, nakatabla sa rekord ni Vince Carter isip labing dugay nga nagduwa sa NBA. / AP