SEOUL — Si Lee Jae-myung sa majority liberal Democratic Party sa South Korea maoy napili isip presidente.
Kini ang gipakita sa nagpadayon nga ihap sa boto sa National Election Commission sa Miyerkules, Hunyo 4, 2025.
Sa 94.4 porsiyento sa mga boto nga naihap human sa tungang gabii, nakuha ni Lee ang 48.8 porsiyento, samtang ang iyang nag-unang kaatbang nga si Kim Moon-soo sa konserbatibo nga People Power Party nakakuha og 42.0 porsiyento, sumala sa datos sa National Election Commission.
Bisan pa kon ang tanan nga nahabilin nga wala naihap nga boto mapunta kang Kim, si Lee gihapon ang modaog sa piniliay sa pagkapresidente, nga nagpamatuod sa iyang kadaugan.
Ang lokal nga brodkaster nga JTBC ug tulo ka terrestrial broadcaster lakip ang KBS, MBC, ug SBS nagtagna na sayo pa nga si Lee siguradong mapili isip ika-21 nga presidente sa nasod.
Ang pasiunang gidaghanon sa mga nibotar niabot og 79.4 porsiyento nga nagtimaan sa kinatas-an sa 28 ka tuig sukad nga ang voting rate nirekord og 80.7 porsiyento niadtong 1997.
Sa gibanabana nga 44.39 ka milyon nga kwalipikadong botante, mga 35.24 ka milyunes ang naglabay sa ilang mga balota sa 14,295 ka polling station sa tibuok nasod.
Ang gidaghanon sa mga nibotar nga naglakip niadtong niapil sa sayo nga pagboto niadtong Huwebes ug
Biyernes, nisaka gikan sa 77.1 porsiyento nga natala sa miaging eleksiyon sa pagkapresidente niadtong 2022. / Xinhua