Nagmalampuson ang pagpahigayon sa ikaduhang &DOT 10-Miler Run nga gidagsa sa liboan ka runners kagahapon, Enero 26, 2025, sa Cebu Business Park.
Ang beterano nga long-distance runner nga si Prince Joey Lee sa Spectrum Runners Club maoy nahimong kampiyon sa men’s 21-kilometer race. Iyang gitapos ang rota sulod lang sa 55 minutos ug 48 segundos.
Misunod kaniya ang iyang teammate nga si Florendo Lapiz nga usa ka segundos lang biya sa finish line, samtang ang Kenyan nga si Eric Chepsiror mikuha sa ikatulong pwesto sa 58:35.
Sa women’s 21K, midaog si Art Joy Torregosa sulod sa usa ka oras ug unom ka minutos. Nagsunod kaniya si Michelle Zamora nga nabiyaan lang og 29 segundos.
Si Hazel Caraballe maoy nikuha sa ikatulong pwesto sa oras nga 1:21:57.
Sa lahi nga kategoriya, nahimong kampiyon sa 12K men’s division si John Mark Dizon (41:05) ug si Hannah Lim (1:09:39) sa 12K women’s division; samtang sa 6K category si Mark Mahinay (19:20) sa men’s division ug Gretchen Sambo (26:45) sa women’s division.
Ang maong lumba giorganisar sa AndotSports, usa ka sports apparel brand based sa Sugbo. / RSC