Gipasalig ni Magnolia Chicken Timplados Hotshots veteran guard Paul Lee nga hingpit siyang naa sa kondisyon inig balik niya pagduwa sa Philippine Basketball Association (PBA) sa mid-season conference Commissioner’s Cup.
Sa katapusang duwa sa elimination round sa Philippine Cup, nakasinati og angol (hamstring) atol sa duwa batok sa Rain or Shine Elasto Painters sa Bahrain.
Kini maoy hinungdan nga wala nakaduwa si Lee sa quarter-finals diin gipalagpot ang Hotshots sa TNT Tropang 5G, 118-109. / ESL