OPISYAL na nga miretiro si Jon Jones, usa sa mga haligi sa mixed martial arts, ug ang interim champion nga si Tom Aspinall giila na karon nga undisputed UFC heavyweight champion, sumala ni UFC president ug CEO Dana White niadtong Domingo, Hunyo 22, 2025 (PH time)
"Jon Jones called us last night and retired," sigon ni White sa usa ka press conference sa Azerbaijan, diin gipahigayon ang UFC Fight Night.
"Jon Jones is officially retired. Tom Aspinall is the heavyweight champion of the UFC,” dugang niya.
Si Jones, nga mag-38 anyos karong Hulyo 19, may record nga 28-1 (11 TKO wins) ug nakadaug sa UFC titles sa light heavyweight ug heavyweight divisions. Gipaabot unta ang iyang unification bout batok ni Aspinall, apan wala kini madayon tungod sa injury ni Jones niadtong 2023.
Si Aspinall, nga may record nga 15-3 sa MMA (11 TKO, 1 KO, 8-1 sa UFC), maoy interim champ sukad sa Nobyembre 2023.
Human sa anunsyo ni White, si Aspinall mipahibawo sa iyang ka-excited pinaagi sa Instagram.
"For you fans. It's time to get this heavyweight division going," suwat ni Aspinall. "An active undisputed champion." / RSC