Giproklamar si kanhi Bise Presidente Leni Robredo ni-adtong Martes, Mayo 13, 2025, isip bag-ong mayor-elect sa Dakbayan sa Naga.
Gideklarar nga mananaog si Robredo nunot sa iyang landslide nga kadaugan batok sa iyang mga kaatbang nga sila si Leonida Abrazado, Restituto de Quiros ug Luis Ortega.
Nakakuha og 84,259 ka mga boto – labaw sa 91 porsiyento sa mga boto nga nakuha diin si Robredo nakahimo og kasaysayan isip labing unang babaye nga mayor sa siyudad.
Sa Facebook post, nagpasa-lamat si Robredo sa iyang mga kaubang Nagueños sa ilang suporta.
Sa usa ka buwag nga pakig-hinabi, si Robredo niingon nga ang iyang una nga prayori-dad mao ang pagtrabaho sa mga imprastraktura nga naguba sa bag-o nga kalamidad.
Matod niya nga ipatuman sab niya ang mga reporma nga makapahimo sa siyudad nga mas maayo sa natad sa edukasyon, panglawas, maayong pagdumala ug kalikupan.
Matod ni Robredo nga gusto niya nga adunay mga programa nga masundog sa tibuok nasod. / TPM / SunStar Philippines