Mipakita sa ilang abilidad sulod sa basketball court ang reporters, editors ug media workers sa pagbukas sa 2024 Press Freedom Week Basketball Tournament didto sa Cebu Eastern College (CEC) gymnasium kagahapon, Agosto 18, 2024.
Mipahuway kadiyot sa ilang buhat ang media practitioners para sa tinuig nga torneyo nga nag-promote og kahiusahan sa Cebu media community agi’g pagsaulog sa Press Freedom Week sa sunod buwan.
Anaa sa bracket A mao ang defending champion XFM, ilang ikakontra ang Brigada News FM, DyHP ug ang combined team sa Bombo Radyo, dyLA ug dyKC.
Samtang sa Bracket B, anaa ang SunStar Cebu, dySS/GMA, MyTVCebu/PTV/Sonshine Media Network International (SMNI) ug Cebu Catholic Television Network (CCTN). / RSC