Ang 9-time National Basketaball Association (NBA) All-Star Damian Lillard opisyal nga gi-appoint nga general manager sa men’s basketball program sa iyang alma mater nga Weber State.
Ang 35-anyos nga guard nipahibalo niini samtang nag-host sa Weber State Basketball Alumni Classic sa Ogden, Utah niadtong Agusto 3, 2025 (PH time).
Gilauman nga dili makadula si Lillard sa tibuok 2025-26 NBA season tungod sa torn left Achilles tendon nga iyang nakuha samtang nagdula para sa Milwaukee Bucks niadtong Abril.
Si Lillard bag-ohay lang nabalik sa Portland Trail Blazers human kini gi-waived sa Milwaukee Bucks. / RSC