Adunay higayon kaniadto nga daw bagyo nga ninghaguros ang “Linsanity” sa National Basketball Association (NBA) nga nagtumbok sa pag-agak ni Taiwanese-American Jeremy Lin sa New York Knicks.
Dose ka mga tuig gikan niadto, masinati na sa Filipino basketball fans ang paghaguros sa Linsanity.
Mahitabo kini karong Enero 3, 2023 sa Philsports Arena dihang moasdang si Lin ug ang New Taipei Kings sa Meralco Bolts alang sa East Asia Super League (EASL) Home and Away season.
Mao kini ang labing unang higayon nga moduwa sa Pilipinas si Lin, kinsa nag-edad na karon og 35.