Linya sa kuryente sa Cebeco II naayo na

File Photo
File Photo

Nahibalik na ang mga linya sa kuryente nga gikinahanglang ayuhon sa Cebu Electric Cooperative (Cebeco II) sa amihanang Sugbo ilabi na sa lungsod sa Tabogon ug silingang mga lokalidad sa norte.

Ang Cebeco II nipahibalo sa Nobiyembre 23 atol sa hinanali nga tigom kauban ni Cebu Governor Gwendolyn Garcia diin ilang gitaho ang pagkompleto na sa system upgrade.

Giklaro ni Cebeco II general manager Engr. Lowell Belciña pinaagi sa Sugbo News, opisyal nga news platform sa Kapitolyo, nga wala kini nagpasabot nga wala na gyu’y masinati nga power interruption sa lugar.

Gipasalig hinuon sa electric company nga padayon nilang susihon ang sistema sa pag -upgrade sa mga linya pagsigu­ro nga mapugngan ang laing mga power interruption sa kabalayan ingon man sa mga establisimento sa lugar.

Ang Cebeco II nagserbisyo sa duha ka mga siyudad ug 11 ka mga lungsod.

Naglangkob niini ang mga dakbayan sa Danao ug Bogo; ug mga lungsod sa Medellin, Daanbantayan, San Remigio, Tabogon, Borbon, Sogod, Tabuelan, Tuburan, Catmon, Carmen, ug Compostela.

Unang gipatawag ni Garcia ang atensyon sa mga tagdumala sa Cebeco II tungod sa reklamo sa mga lokal nga kagamhanan sa norte bahin sa sitwasyon sa ilang supply sa kuyente nga kanunay dunay brownout.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph