Liog sa sawa gipunggot human nakatukob og himuangan sa Balamban

SAWA: Nagngisi nga nagbitbit ang duha ka mga bata sa usa ka patay nga sawa nga sa sayo pa gilunggoan og ulo human nakatukob og himongaan sa Brgy. Buanoy, Balamban.
SAWA: Nagngisi nga nagbitbit ang duha ka mga bata sa usa ka patay nga sawa nga sa sayo pa gilunggoan og ulo human nakatukob og himongaan sa Brgy. Buanoy, Balamban. TAMPO NI SHELLA DEJITO MABUTING

Sawa nga nikaon og himungaan sa Martes sa buntag, Pebrero 6, 2024 sa sityo Butong, Brgy. Buanoy, Balamban gilunggoan og ulo.

Matod pa ni Shella Dejito Mabuting, tag-iya sa hulagway nga gi post sa Facebook diin makita ang mga bata nga nagkupot sa dako nga patay na nga sawa, nga ila ning nakit-an mga alas 6 sa Martes sa buntag.

Didto kini sa ilang bakante nga luna gilabay human gilunggoan og ulo.

Ilang nasayran nga nikaon ki­ni og himungaan sa ilang sili­ngan apan wa sila nakaila kinsa ang nipunggot sa ulo sa sawa.

Ang pagpatay sa usa ka wildlife, sama sa sawa, gidili sa balaod, gawas kon hulga kini sa kinabuhi sa usa ka tawo.

Nalatid kini sa Wildlife Resources Conservation and Pro­tection Act.

Ning nakalabay nga mga adlaw, nag trending sa social media ang Banakon o King cobra ug sawa.

Ang mga bitin gipatay, inay gi-rescue.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph