Nangaangol ang mag-live-in partner human nawad-an og prino ang ilang gisakyan nga motorsiklo, alas 12:30 sa udto niadtong Sabado, Agusto 16, 2025, sa Transcentral Highway, Brgy. Cansomoroy, Lungsod sa Balamban.
Gipangtumbok mao sila si Michael Magtagad Pantilgan, 27, taga Tabok, Mandaue City, ug ang iyang kapuyo nga si Ghia Paraiso, 22.
Sa imbestigasyon sa Balamban Police Station, ang mga biktima nagdulhog paingon sa Proper Balamban. Sa pag-abot sa nahisgutang lugar, wala na mokupot ang brake sa motorsiklo nga ilang gisakyan.
Tungod niini, nawad-an og kontrol sa manubela si Pantilgan hinungdan nga nalahos sila sa pikas tampi sa karsada ug nalamba ang motorsiklo.
Gisakay ang mga biktima sa Cebu Provincial Hospital–Balamban sa Barangay Cansomoroy ambulance. / GPL