Lola nabanggaan, patay; 1 naangol

Lola nabanggaan, patay; 1 naangol
Hulagway gikan sa Minglanilla Police Station

Patay ang usa ka 82 anyos nga lola ug angol usab ang 58 anyos nga ginang nga nabanggaan og van dihang sila ninglabang sa pedestrian lane sa national highway nga atubangan sa Telano Market sa Sityo Linao, Barangay Lipata, lungsod sa Minglanilla, alas 5:12 sa hapon, Martes, Enero 9, 2024 .

Ang namatay giila nga si Asuncion Du­que, 82, minyo, ug angol mao si Este­la Trason, 58, minyo. Ang duha pulos taga sityo Lower, Barangay Lipata, Minglanilla.

Sumala sa imbestigasyon sa kapu­lisan sa Minglanilla ubos sa kamanduan sa ilang hepe nga si Police Capt. Kalvin Jomari Golitod, ang mga biktima nadasmagan sa van nga gipanag-iya sa JAC Aluminum nga gimaniho ni Jimmy Castro Mesa, 46, minyo, taga Barangay Balirong, siyudad sa Naga.

Matod pa nga si Mesa ni-overtake og laing duha ka sakyanan.

Ang mga biktima gitabang sa mga sakop sa Minglanilla Municipal Di­sas­ter Risk Management Office (MMDRRMO) ug gidala sa Minglanilla District Hospital. Apan ang 82 anyos nga si Duque gideklarar ni Dr. Roentgen A. Radam nga dead on arrival (DOA).

Samtang, ang drayber sa van gitanggong sa kapulisan ug gikatakda nga pasakaan og tukmang mga ka­so.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph