Ang kabanay nagduda nga gitulis kadtong 77 anyos nga lola nga napalgang patay nga naglutaw sa kadagatan sa Lower Calajoan, Lungsod sa Minglanilla, Sugbo niadtong sayong buntag sa Septiyembre 20.
Gituohan nga gitulis ang biktima nga gitago sa pangalang Cris, taga Lawaan 1, Talisay City gumikan kay nawala ang bulawang singsing, kuwintas, ug ang bag nga adunay P30,000.
Gisubay pa sa kapulisan pinaagi unya sa resulta sa autopsy sa lawas kon unsay gikamatyan sa biktima.
Nasayran nga naandan sa biktima nga matag sayo sa buntag mag-exercise pinaagi sa walking sa Pooc, Talisay.
Sa sayo pa, ang lawas sa biktima napalgan sa mananagat niadtong alas 6 sa buntag, Biyernes, Sept. 20 nga naglutaw sa 400 metros ang gilay-on gikan sa baybayon sa Calujoan. / DVG