Sikop ang 63-anyos nga manikyurista nga naaktuhan nga nagsuyop og shabu sa giabangan nga balay sa Barangay Sambag 1, Dakbayan sa Sugbo niadtong Miyerkules, Agusto 6, 2025.
Gibalhog sa Abellana Police Station ang lola nga manikyurista nga si alyas Susan.
Ang kapulisan nipahigayon og buy-bust sa nahisgutang lugar nga niresulta sa pagkasikop sa suspek.
Nasakmit sa posisyon sa dinakpan ang lima ka gagmay nga pakete sa gituohang ilegal nga drugas ingon man ang P200 nga buy-bust money.
Ang suspek niangkon nga nigamit siya og shabu aron pagpalagsik sa lawas aron dili kapuyon gikan magmanikyur./