Usa ka lolo, amahan, ug usa ka dalaga nangadakpan sa operation sa kapulisan gumikan sa illegal numbers swertres games sa Probinsya ug dakbayan sa Sugbo.
Wa makaipsot sa kapulisan ang usa ka “Usher” ala 7:30 sa gabii Huwebes, June 26, 2025 sa Sityo Poste, Barangay Ocaña, Dakbayan sa Carcar.
Napusasan si Wilfredo Dian Quijano, 59, minyo, taga Sityo Proper Barangay Ocaña, Dakbayan sa Carcar.
Nakuhaag daghang mga gambling paraphernalia mga pusta sa number combinations sa stabs ang suspek.
Paglabay sa 15 minutos laing usher nadakpan alas 7:45 sa gabii nga si Neptale Alipin Paraz, 65, taga Sityo Luan-Luan, Barangay Poblacion 1, Carcar.
Naaktuhan siya nga nag-isyu sa mga kustomer sa illegal numbers swertres games.
Ang kapulisan nipahigayon sa Anti-illegal gambling operation sa dapit human nakadawat og impormasyon nga dunay mga tawong na-operate sa swertres numbers games.
Ang duha ka usher gitangong sa Carcar Police Station samtang giandam ang kasong kalapasan sa RA9287 Illegal gambling law.
Samtang usa ka dalaga ang gidakop human naaktuhan nga nag-isyu sa illegal numbers swertres games alas 6:30 gabii Miyerkules, June 25, 2025 sa Cabarubias Street, Barangay Tisa, Dakbayan sa Sugbo.
Si Florie Jean Bartolome Albiana, 30, taga Sitio Caduloy, Barangay Tisa gidakop sa mga sakop sa Labangon Police Station.
Nakuha sa iyang possession ang usa ka paper stub nga dunay daghang number combinations, usa ka small sheet carbon paper, usa ka ball-pen, ug P150.00 gituohang halin sa illegal numbers swertres games. / GPL