NAPUSASAN ang usa ka Lolo human nidawat sa P20 nga pusta sa illegal number swertres games sa alas 5:00 sa hapon, Martes, Hunyo 17, 2025, sa Barangay Tungkop, Lungsod sa Minglanilla.
Si Casimero Urbanos, 63, usher, nagpuyo sa nahisgutang lugar, napusasan human sa buy-bust sa intelligence ope-ratives sa Minglanilla police.
Ang mga sakop sa Minglanilla Police Station nakadawat og tawag bahin sa sugal nga swertres sa maong dapit.
Ang suspek nidawat sa P20 nga gipusta sa poseur buyer nga usa diay ka polis.
Human nahitabo ang transaction napusasan ang suspek.
Nakuha sa iyang posisyon ang P20 nga pusta, stab slip nga naa ang numero nga gipustaan, daghang bundle sa stubs dunay mga number combinations, halin nga P150, ug ubang gambling paraphernalia. Mas gipahugtan sa Minglanilla Police Station ang pagpanakop niadtong mga nalambigit sa illegal numbers swertres games sa ilang lugar gawas sa ubang kremin. / GPL