Usa ka 73 anyos nga lolo ang nadakpan sa mga sakop sa Mambaling Police Station pinasikad sa search warrant nga giluwatan sa korte tungod sa iyang pagtiner og armas nga walay lisensya.
Ang subject sa warrant nga si Gonzalo Biton ang gidakop sa Mambaling police sa alas 9:30 sa gabii, Miyerkules, Oktubre 30, 2024 sa Sitio Lower Galilee, C. Padilla Barangay Duljo Fatima, Cebu City.
Si Biton nakuhaan og kalibre 38 nga adunay duha ka bala.
Pasabot ni Biton nga pang-self defense niya ang maong armas. Nasuta sab nga gihimong drug den ni Biton ang iyang balay sulod sa 15 ka tuig diin ang iyang customers pabayron kon mag-pot session sa drugas sulod sa iyang pinuy-anan. / AYB