Naghinamhinam na ang lolo ni two-time Olympic gold medalist Carlos Edriel Yulo nga si Rodrigo Frisco nga makita pagbalik ang iyang apo.
“Congratulations, Caloy. Sobrang miss na miss ka na namin,” matod ni Frisco sa interbyu sa 24 Oras program sa GMA 7 niadtong Lunes, Agusto 12, 2024.
“Napakatagal na nating hindi nagkakasama at nakakapag usap. Proud na proud kami.”
Giingon nga si Frisco maoy unang nag-engganyo ni Yulo nga mosuway sa gymanstics.
Si Yulo maoy nakahatag og labing dakong dungog sa Pilipinas human niya napatigbabawan ang iyang paboritong floor exercise ug vault sa men’s artistic gymnastics.
Ang Pilipinas nakakuha og duha ka gold ug duha sab ka bronze medals sa karon nga kompetisyon.
Ang naghatag og bronze medals sa nasod mao ang mga boksidor nga sila si Nesthy Petecio ug Aira Villegas. / ESL