Lower House mibawi sa prankisa sa SMNI

House of Representatives
House of RepresentativesFile photo

Giaprubahan sa House of Representatives sa ikatulo ug katapusang pagbasa ang balaudnon sa pagbawi sa prankisa sa Swara Sug Media Corporation (SSMC), nga nag-operate sa Sonshine Media Network International (SMNI).

Giaprubahan sa Ubos nga Kamara ang House Bill (HB) 9710, nga nagtinguha sa pagbasura sa Republic Act (RA) 11422, nga nagpalugway sa prankisa sa SSMC ubos sa RA 8122 sulod sa dugang 25 ka tuig niadtong Agusto 2019, human kini nakadawat og 284 ka affirmative votes, upat ka no votes ug upat ka abstention.

Si Representante Ramon Rodrigo Gutierrez sa 1-Rider party-list nisang-at sa balaudnon tungod sa kalambigitan sa SMNI sa pagpakuyanap sa fake news, ingon man usab sa red tagging, nga naggumikan sa pangangkon sa duha ka program hosts niini, kanhi anti-insurgency task force spokesperson Lorraine Badoy ug Jeffrey Celiz.

Sila si Badoy ug Celiz, nangangkon nga kanhi taas nga mga opisyal sa New People’s Army, niingon nga si House Speaker Martin Romualdez nigasto og P1.8 bilyunes sulod lang sa usa ka tuig alang sa iyang mga langyaw nga biyahe.

Gipanghimakak ni Romualdez ang alegasyon, samtang si Celiz sa ulahi niangkon nga ang impormasyon “unverified.”

Gitumbok usab ang ubang “serious corporate offenses” nga nabuhat sa SSMC human ang SMNI “openly” nga niangkon nga moposisyon gikan sa usa ka non-stock, non-profit corporation ngadto sa sole corporation ubos sa Kingdom of Jesus Christ (KJC) nga lider niini nga si Pastor Apollo Quiboloy sa 2006, tag-iya sa SMNI.

Niadtong 2023, ang nagkontrolar nga stake gibalhin ngadto kang Brother Marlon Acobo, nga ang duha ka transaksyon nahitabo nga wala nakakuha og pagtugot sa Kongreso.

Kini nakalapas sa Seksyon 10 sa RA 11422, nga naglatid sa gikinahanglan nga pag-aprubar sa Kongreso alang sa maong mga kausaban, tataw nga nagdili sa pagbaligya, pag-arkila, pagbalhin, o pag-assign sa prankisa nga way pagtugot sa Kongreso.

Ubos usab sa RA 11422, kinahanglang pahibaw-on ang Kongreso bahin sa bisan unsang transaksyon nga naglambigit sa pagbaligya, pag-abang, pagbalhin, o pag-assign sa prankisa sulod sa 60 ka adlaw o kini mahimo’ng magpahinabo sa pagbawi sa prankisa. / TPM sa SunStar Philippines

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph