Ang beterano nga si Kyle Lowry mipirma og kontrata nga $2.8 milyunes sa Philadelphia 76ers, matod sa taho ni Adrian Wojnarowski sa ESPN sa Dominggo, Pebrero 11, 2024.
Nakompleto ang pagbalhin ni Lowry human kini miuyon sa buyout sa Charlotte Hornets.
Si Lowry nalagpot sa Hornets kay gi-trade siya lakip ang first round pick sa iyang kanhi team Miami Heat para kang Terry Rozier.
Nakabalik sa iyang hometown si Lowry kay gadako man gyud siya sa Philadelphia, gani miduwa siya sa Villanova sa kolehiyo pa siya.
Dugay nang gisuwayan sa 76ers pagkuha si Lowry sa mga milabay nga tuig, labi na niadtong 2021 trade deadline.
Gilauman nga 76ers nga mohatag og beterano nga presensiya ang six-time NBA All-Star.
Sa edad nga 37, dako pa gihapon og tabang si Lowry sa opensa. Sa iyang 37 ka duwa sa Heat karon nga season, siya nag-average og 8.2 puntos.
Nahimong NBA champion si Lowry tuig 2019 ubos sa Toronto Raptors human nila gipilde ang Golden State Warriors sulod sa unom ka duwa sa best-of-seven championship series.
Matod pa sa netizen nga ang Philadelphia mao ang perpekto nga lugar nga humanon ni Lowry ang iyang nindot nga NBA career kay dinhi man siyagasugod. / RSC