Makasinati gihapon og uwan tungod sa low-pressure area (LPA) ug sa habagat o southwest monsoon, ang kadaghanan dapit sa nasod, suma sa weather bureau niadtong Sabado.
Pagka-alas 3:00 sa kaadlawon, ang LPA nakita nga 240 km silangan sa Virac, Catanduanes.
Gilauman nga magdala kini og madag-umon nga kalangitan nga adunay katagkatag nga pag-uwan ug pagpanugdog sa Bicol Region, Central Visayas, Eastern Visayas, Northern Mindanao, Caraga, Davao Region, Aurora, ug Quezon, matod sa Philippine Atmospheric, Geophysical and Astronomical Services Administration (Pagasa).
Samtang, ang susamang kahimtang sa panahon masinati sa Metro Manila, Mimaropa, ang nahabilin sa Central Luzon ug Calabarzon, ang Visayas, ug Mindanao tungod sa habagat.
Pasidaan sa Pagasa nga kasarangan ngadto sa kusog nga pag-ulan niining mga lugara mahimong moresulta sa baha o pagdahili sa yuta.
Ang ubang bahin sa nasod makasinati og medyo madagumon ngadto sa madag-umon nga kalangitan nga adunay mga pag-ulan o pagpanugdog tungod sa southwest monsoon o localized thunderstorms.
Hinay ngadto sa kasarangan nga hangin ug gamay ngadto sa kasarangan nga kadagatan ang mopatigbabaw sa tibuok kapupud-an. Pagka-alas 8:00 sa buntag, ang Area of Responsibility adunay “MEDIUM” nga kahigayonan nga molambo ngadto sa usa ka tropical depression sulod sa sunod nga 24 ka oras. (PNA)