LPG tank mibuto; balay nasunog

TAMPO
NAGKAYO: Ang balay sa Block 1018, Alegria Palms 1, Barangay Alegria, lungsod sa Cordova nga nasunog sa 10:20 sa gabii , Martes, Hunyo 11, 2024. / TAMPO

LPG tank mibuto hinungdan sa pagkasunog sa usa ka balay sa Block 1018, Alegria Palms 1, Barangay Alegria, lungsod sa Cordova alas 10:20 ka gabii sa Martes, Hunyo 11, 2024.

Usa ka babaye nga si Cassandra Jane Lerasan Ombay, 22, dalaga, tinun-an sa kolehiyo, taga lungsod sa San Remigio, nag-abang, nakaangkon og menor nga kadaut tungod sa iyang paglayat sa bintana.

Sa imbestigasyon sa kapulisan sa Cordova ubos sa kamanduan sa ilang hepe nga si P/Maj. Joffre D. Grande, subay sa asoy sa dalaga, nga natulog siya sa kuwarto sa 2nd floor apan nakamata tungod sa sipa nga buto sa ground floor.

Sa iyang pagsusi, iyang nakit-an ang nagkayo nga gas tank duol sa outlet sa kuryente.

Naglisod siya sa pag-agi sa pultahan, nibalik siya sa 2nd floor aron pagluwas sa iyang kaugalingon pinaagi sa pag-ambak sa bintana.

Ang kabumberohan sa Cordova nipasaka sa first alarm sa sunog ug gideklarar nga fire out sa alas 10:38 gabii ug nagbilin og danyos nga P200,000. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph