Nipasidaan ang The Land Transportation Office (LTO) Region 7 ngadto sa publiko nga di magpailad sa nang-solicit og kuwarta nga nagdala sa ngalan ni Regional Director Glen G. Galario.
Ang ahensya nitataw nga si Director Galario way gisugo nga mangolikta og pundo para niya o sa LTO Region 7.
Ang tanang mga legitimo nga LTO transactions adto ra gyud sa authorized offices atol sa business hours, ug dunay proper documentation ug official receipts.
Matod sa ahensya nga wa silay gitugotan bisan kinsa nga mangayo og donasyon o bayad nga pinaagi sa social media, text messages, o unauthorized representatives.
Gidasig ang publiko sa pag-report kon dunay kadudahang mga tawo nga mang-solicit ngadto sa LTO Region 7 Office.
Subling gitataw sa LTO 7 nga si Director Galario dili mag-solicit og pundo ngadto ni bisan kinsa. / PR