Sa ikaduhang higayon sa Season 49, napiling Philippine Basketball Association (PBA) Press Corps-Pilipinas Live Player of the Week awardee si Zavier Lucero, ang sophomore player sa Magnolia Chicken Timplados Hotshots.
Nakuha ni Lucero ang pasidungog tungod sa maayo niyang gipakita nga mga duwa sa petsa Abril 9-16, 2025 sa wala pa gihunong ang aksyon sa Philippine Cup agig pagpamalandong sa Semana Santa.
Ning panahuna, niagi og grabeng pagpanghulga ang Hotshots una nila napayukbo ang Converge FiberXers, 83-71, ug San Miguel Beermen nga niagi og overtime , 98-95.
Sa daog sa Hotshots batok sa FiberXers, nimugna og 18 puntos si Lucero diin siyam niini iyang gimugna sa 4th quarter.
Sa munasginhawang daog sa Hotshots batok sa Beermen, si Lucero nimugna og game-high nga 24 puntos.
Ning maong mga numero nga iyang natali, nalupig ni Lucero sa inilugay sa senemanang pasidungog ang iyang kauban nga si Ian Sangalang apil na sila si Xyrus Torres sa NLEX Road Warriors, Ricci Rivero sa Phoenix Super LPG Fuel Masters, ug June Mar Fajardo sa San Miguel Beermen.
“It was a team effort for sure,” matod ni Lucero nga napatik sa www.pba.ph.
“I’m just grateful for the opportunity to be able to contribute. But sitting here with individual citations or me scoring or whatever it’s secondary.”
Sa premirong tahas sa Hotshots diin ilang gipangkusokuso ang Blackwater Bossing, 106-84, si Lucero nimugna og 21 puntos. / ESL