Nagpadayon ang nindot nga 2023-2024 NBA season sa Cleveland Cavaliers ug niining higayuna ang ilang gibuntog mao ang Toronto Raptors, 119-95.
Si Jarrett Allen nitali og 18 puntos ug 15 ka rebounds, si Evan Mobley mipuno og 17 puntos ug 11 ka rebounds ug ang Cleveland Cavaliers miratsada ngadto sa season-high winning streak nga siyam ka sunodsunod nga mga daog.
Mipakatap si Donovan Mitchell og 15 puntos ug si Max Strus miamot og 14 alang sa Cavs nga mikuha sa ilang ika-22 nga daog sulod sa 26 ka mga duwa.