SAULOGON karong adlawa Abril 13, 2025 ang Dominggo sa Lukay (Palm Sunday) nga timaan sa pagsugod sa Semana Santa.
Base sa Bibliya nga ang mga lukay maoy giwarawara sa mga tawo nga nihangop ni Kristo sa iyang pag-abot sa Jerusalem dungan sa pagsinggit sa pulong nga "Hosanna" nga nagpasabot "Luwasa kami!"
Mga manindahay og lukay nga nagpahimutang sa sidewalk duol sa tunghaan University of San Jose - Recoletos, dalan Magallanes, Siyudad sa Sugbo ang nagsugod na og baligya sa mga lukay niadtong Biyernes, Abril 11, 2025.
Tradisyon sa mga Katoliko nga magpabendita sa lukay nga kabahin sa tinuig nga kalihokan sa SeĀmana Santa.
Ang lukay gibaligya sa tag P10 ngadto na sa P50, depende sa gidak-on og desinyo niini.
Lakip sa namaligya mao ang magtiayong flower vendors nga sila si Edisa ug Lucresio Lofranco nga taga Barangay Malubog, Dakbayan sa Sugbo diin ilang gipahimuslan ang maong kahigayonan nga dugang kita sa ilang negosyo pinaagi sa paggama og lukay nga giporma og krus. (TPT/JCDV)