Gisugdan na sa kagamhanan sa Lalawigan sa Sugbo ang pagsusi sa 187 ektaryang luna sa Kapitolyo alang sa labing unang Waste-to-Energy (WTE) plant sa Dakbayan sa Naga.
Si Cebu Governor Gwendolyn Garcia maoy nangulo sa tigom kauban ang mga geotechnical engineers sa Kapitolyo.
Ang geotechnical study, usa ka pamaagi sa pagsusi kon maayo ba ang pundasyon sa yuta ug sa mga bato diin tukuron ang maong proyekto, apil na niini ang test pits, trenching, boring, ug in-situ testing.
Kini nga paagi kabahin usab sa documentation nga gikinahanglan alang sa Environmental Compliance Certificate sa maong proyekto.
Ang WTE project tukoron subay sa pakigtambayayong sa French global utility company nga Suez Group. / ANV