Luna sa Kapitolyo di ipagamit sa CBRT

Cebu Gov. Gwendolyn Garcia. (File photo)
Cebu Gov. Gwendolyn Garcia. (File photo)

Wala motugot si Cebu Governor Gwendolyn Garcia nga gamiton sa management sa Cebu Bus Rapid Transit (CBRT) project ang mga luna nga gipanag-iya sa Kapitolyo sa Barangay Banilad, dakbayan sa Sugbo aron himuong terminal.

Gipahibalo sa Cebu Provincial Information Office nga pormal nga mibisita ang sakop sa transport specialist sa World Bank aron mahisgutan ang nagkadaiyang concerns niini sa CBRT project sa Huwebes, Nobiyembre 23, 2023.

Lakip sa padayong gihangyo niini ang paggamit unya sa mga luna sa Kapitolyo isip terminal sa bus sa BRT sa higayon nga mahuman na ang maong proyekto.

Ang naasoy’ng luna, kasamtangan nga giokupahan sa National Food Authority (NFA) apan gilaraw ni Garcia nga ibalhin na kini sa laing luna sa Kapitolyo sanglit gamiton ang kasamtangan isip income-generating project.

Una na nga miinsister si Garcia nga kinahanglan nga mabayran sa insakto ang Kapitolyo sa mga luna nga anaa sa Osmeña Blvd. sa dakbayan sa Sugbo nga maligsan sa proyekto sa CBRT.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph