Lupig sa sumbagay, kaaway gidunggab

Panagsama Beach Moalboal map.
Panagsama Beach Moalboal map. (Google Maps)

Gidunggab sa usa ka lalaki ang iyang kontra human nalupig sa sumbagay, alas 5 sa hapon sa Martes, Mayo 14, 2024, sa Barangay Basdiot, lungsod Moalboal, habagatang kasadpang Sugbo.

Nalandig sa Badian District Hospital giila nga si Paul Anthony Cabaron Junas, 30, residente sa nahisgutang barangay.

Gibalhin siya sa Vicente Sotto Memorial Medical Center sa dakbayan sa Sugbo alang sa dugang pag-atiman kay natino nga grabe ang iyang mga samad.

Nitahan sa kapulisan ang suspek nga si Junrey Gabales, hamtong, taga Barangay Tomonoy, Moalboal pipila ka mga oras human sa hitabo.

Ang Moalboal police ubos ni station commander Captain Claudio Gako niingon nga base sa ilang imbestigasyon, nag-away ang duha sa wa pa matino nga hinungdan.

Samtang nagsukmagay ang duha, kalit nga nibunot og kutsilyo si Gabales ug gidunggab ang biktima sa makadaghang mga higayon sa lawas. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph