Aron pagsiguro nga usa ka drug-free workplace ang munisipyo, gipaubos sa mandatory drug testing ang 621 ka mga opisyal, department heads ug mga kawani sa lokal nga kagamhanan sa lungsod sa Madridejos.
Gipahigayon kini sa Madridejos Cultural Center diin nangunay sa pagpaubos sa random drug test sila si Mayor Romeo Villaceran, Vice Mayor Vincent Villacrusis ug mga Sangguniang Bayan member human sa gipatawag nga general assembly.
Gipahibawo sa kagamhanan nga usa ka independent treating laboratory gikan sa dakbayan sa Sugbo ang nihimo sa drug testing procedures.
Wala pa hinuon nigawas ang resulta sa maong test apan tumong ug tuyo niini ang pagsiguro nga luwas sa paggamit og ilegal nga drugas ang mga tawo sa munisipyo ug pagsunod usab sa lagda nga ipaubos og mandatory drug test ang mga kawani sa gobyerno.
Ang masakpan nga magpositibo sa ilegal nga drugas silutan.