Ikauban pagbalik ni basketball legend Johnny “Flying A” Abarrientos ang dugay niyang nahimong coach kaniadto sa Philippine Basketball Association (PBA) nga si Tim Cone.
Kini human gilakip siya sa coaching staff ni Cone sa Brgy. Ginebra Gin Kings isip puli ni LA Tenorio, kinsa nabalhin sa Magnolia Hotshots isip usa na ka head coach.
Si Abarrientos, 56, maoy usa sa labing lig-ong pambato sa nabungkag nga Alaska Milkmen, nga kanhi gigiyahan ni Cone ug iyang naagak sa Grandslam title niadtong 1996.
Gikonsiderar si Abarrientos nga usa sa labing maayong pointguards sa kasaysayan sa PBA./ ESL