NAKAPLAGAN na lang patay ang usa ka 44-anyos nga mag-uuma nga naghikog sa punoan sa lubi niadtong alas 7:15 sa gabii, Lunes, Hulyo 14, 2025, sa Sitio Guinabinhan, Barangay Arpili, Balamban.
Giila ang biktima nga si Primo Asindiente Azucenas Jr., min-yo, nagpuyo sa maong lugar.
Sumala ni Police Lt. Col. Pedy Noval, hepe sa Balamban Police Station, ang magulang nga si Bonifacio Elver Asindiente Azucenas, 53, maoy ni-report sa insidente. Nakita ang biktima nga nagbitay sa 10 ka tiil nga gitas-on sa lubi sa iyang igsuon.
Nakaplagan na lang nila nga nagbitay na ang biktima sa punoan sa lubi nga wa nay kinabuhi.
HOTLINE
Alang sa mga nag-antos og de-presyon, ang Philippine Mental Health Association, Inc. Cebu Chapter nagtanyag og online psychiatric ug psychological services. Mahimong matawgan ang mga mental health professionals sa mobile number nga 0917-655-0023 o magpadala og email sa pmhacebu1950@gmail.com, Lunes hang-tod Biyernes, 8 AM-5 PM.
Mahimo sab nga tawagan ang Tawag Paglaum Centro Bisaya, usa ka 24/7 call-based hotline alang sa suicide prevention ug emotional crisis, sa mga numero 0939-937-5433, 0939-936-5433, ug 0927-654-1629. / GPL