Mag-uuma nasakmitan og P3.4M balor sa shabu

Mag-uuma nasakmitan og P3.4M balor sa shabu
NADAKPAN: Kini ang buy-bust sa mga sakop sa awtoridad sa Zuellig Avenue, North Reclamation, Barangay Subangdaku, dakbayan sa Mandaue, alas 2:45 sa hapon, Sabado, Hunyo 22, 2024, diin usa ka mag-uuma nasakmitan og P3.4 milyunes nga shabu. / TAMPO

Mag-uuma ang nadakpan sa gilusad nga buy-bust sa mga sakop sa Philippine Drug Enforcement Agency (PDEA) 7 uban sa mga personnel sa Naval Forces Central ug Mandaue City Police Office sa Zuellig Ave­nue, North Reclamation, Barangay Subangdaku, dakbayan sa Mandaue, alas 2:45 sa hapon, Sabado, Hunyo 22, 2024.

Mag-uuma nasakmitan og P3.4M balor sa shabu
NADAKPAN: Kini ang buy-bust sa mga sakop sa awtoridad sa Zuellig Avenue, North Reclamation, Barangay Subangdaku, dakbayan sa Mandaue, alas 2:45 sa hapon, Sabado, Hunyo 22, 2024, diin usa ka mag-uuma nasakmitan og P3.4 milyunes nga shabu. / TAMPO

Ang suspetsado giila nga si Jessel Yote, mag-uuma ug taga Barangay Taptap, bukirang dapit sa dakbayan sa Sugbo.

Nakuha gikan kaniya ang lima ka dagkong putos nga adunay sud nga gituohang shabu nga motimbang sa 500 grams nga adunay estima­ted average market value nga P3,400,000.

Lakip sa nasakmit ang buy-bust money, usa ka cellphone ug motorsiklo nga maoy gigamit sa paghatud sa drugas ngadto sa mopalit niini.

Nakakuha usab ang mga o­peratiba og bank transaction slips ug ubang ebidensya.

Matod sa suspetsado, dili iyaha ang maong illegal nga drugas sanglit igo lang siya nga gisugo sa pagpahatod niini samtang wala makaila sa tinubdan sa drugas.

Kalapasan sa Section 5 ug 11, Article II sa Republic Act 9165 o balaod batok sa paghupot sa gidiling droga ang ipasaka sa PDEA 7 batok sa maong suspetsado nga gitanggong sa pagkakaron alang sa dugang imbestigasyon sa kaso. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph