Unang gikataho nga giataki og mga ulod ang pipila ka umahan sa Brgy. Manatad, lungsod sa Sibonga niadtong Biyernes, Hulyo 19 2024.
Mao kini hinungdan nga ang Regional Crop Protection Center sa Department of Agriculture (DA) 7 ug sa Municipal Agriculture Office nanghatag og chemicals nga pampatay sa mga peste.
Si Pino Caminade, mag-uuma sa naasoy nga dapit, niasoy sa Superbalita Cebu nga nakatabang sila sa pagsumpo sa mga ulod.
Sa Miyerkules sa buntag, Hulyo 24, 2024, naka-harvest pa siya og 428 kilos nga paliya ug 460 kilos nga sili’ng espada ug iyang gitumod sa Carbon Public Market sa Dakbayan sa Sugbo.
Matod niya, gibaligya niya ang paliya sa tag P90 matag kilo ug ang siling espada tag P35 matag kilo.
Nipadayag si Caminade og pasalamat sa Superbalita Cebu tungod sa pagmantala sa pag-ataki sa ulod sa ilang umahan hinungdan nga naabot sa hingtungdang ahensiya sa gobiyerno ug gihatagan sila’g chemicals. / DVG