Magic mipugos og Game 7
Basketball (File Photo)

Magic mipugos og Game 7

Nakaipsot sa kulbahinam nga 103-96 nga kadaugan ang Orlando Magic aron makapugos og deciding Game 7 kontra Cleveland Cavaliers.

Si Paolo Banchero mipabuhagay og 10 sa iyang 27 puntos sa fourth quarter aron tabangan ang Magic sa Game 6 sa ilang first-round NBA playoff series sa Sabado, Mayo 4 (PH time) sa Orlando.

Ang Magic nakalingkawas sa pagmangtas ni Cleveland guard Donovan Mitchell nga mibuhat og 50 puntos.

Nidugang si Franz Wagner og 26 puntos samtang si Jalen Suggs nakahimo og unom ka tres ug nikulit og 22 puntos alang sa Magic, kinsa miratsada sa uwahing bahin sa fourth quarter.

Duwaon ang Game 7 karong Lunes sa balwarti sa Cavaliers.

Ang Magic nagtinguha nga moabante sa second round sa unang higayon sulod sa 14 ka tuig. / RSC

Related Stories

No stories found.
SunStar Publishing Inc.
www.sunstar.com.ph