Superbalita Cebu
Magic mitabla sa Cavaliers
Nagpakatap og 34 puntos ug 13 rebounds si Franz Wagner aron agakon ang host Orlando Magic ngadto sa kadaugan batok sa Cleveland Cavaliers, 112-89, sa Game 4 sa ilang Eastern Conference 1st round playoffs series sa National Basketball Association (NBA).
Sa kadaugan, natabla sa Magic ang best-of-seven series, 2-2.
Midominar ang Magic sa hinakutay og puntos sa 3rd quarter, 37-10, nga maoy nakaabli og dako sa ilang pultahan paingon sa kadaugan.
“We’re not satisfied at all,” matod ni Wagner. “We just got two wins. We need two more.” / AP