Magnolia mobangga sa Gin Kings

Mga duwa karon:

5:00 P.M NLEX Road Warriors batok Phoenix Fuel Masters

7:30 P.M Barangay Ginebra batok Magnolia Hotshots

Mag-abot ang duha ka sikat nga team ang Barangay Ginebra Gin Kings ug Magnolia Hotshots Chicken Timplados sa usa ka gikahinaman nga duwa sa Philippine Basketball Association (PBA) Philippine Cup karong Domingo, Hunyo 1, sa Smart Araneta Coliseum.

Ang Magnolia mao ang naa sa taas, sa team standings bitbit ang 7-1 (win-loss) card, samtang ang crowd-favorite nga Ginebra anaa sa ikalima nga pwesto dala ang 5-3 nga baraha.

Ang duha ka team pulos gustong mobalos gikan sa pagbalik batok sa Meralco Bolts.

Magtigi ang Gin Kings ug Hotshots sa main game alas 7:30 sa gabie.

Gipakirig sa Meralco ang Gin Kings miaging Biyernes, 82-73; samtang ang Hotshots gipaig sa Bolts niadtong Mayo 25 sa iskor nga 108-92.

Sa laing bahin, ang NLEX Road Warriors mobatok sa Phoenix Fuel Masters sa first game.

Ang NLEX mopuntariya sa ikapitong daog sulod sa siyam ka duwa. Ang target sa Road Warriors nga mas motaas pa ang ilang ranking inig katapos sa elimination round.

"Siyempre, pasok ka nga pero all the other (qualifiers) want to be in the top four. Alam naman natin almost all teams six wins. We still have to keep on winning as many games as we can," matod ni NLEX coach Jong Uichico.

Matod ni Uichico nga bisan 2-6 ang record sa Phoenix di sila magkumpiyansa.

"They know already their identity so ang hirap kalaban ang teams na they know their identity," matod ni Uichico. "Kasi they thrive on that, win or lose. So it's hard to play teams like those."

Dugang niya nga kinahanglan nila pangitaon ang weakness sa Phoenix.

Nabalaka pud siya kay dunay injury concerns iyang mga players nga sila Richie Rodger, Mike Miranda, Enoch Valdez, Jonnel Policarpio ug Dominic Fajardo.

"You always have to find a way. Having injuries is a reason, but it is not an excuse to find a way," sigon niya. / RSC