Nagpabiling limpyo ang record sa Magnolia Hotshots Chicken Timplados sa ilang pagpalong sa Phoenix Fuel Masters, 118-99, sa Philippine Basketball Association (PBA) Philippine Cup Sabado sa gabii sa Zamboanga City Coliseum.
Ang lumad sa maong lugar nga si Mark Barroca mipakatap og 18 puntos, unom ka rebounds ug lima ka assists para isaka ang Magnolia ngadto sa 4-0 (win-loss) record.
Si Ian Sangalang mipabuto og team-high 20 puntos samtang si Paul Lee midugang og 17 puntos.
Ang Magnolia nakahimo og 13 ka tres nga maoy dako nga armas gigamit sa pagpalung sa kayo sa Fuel Masters.
Midugang pud og igong tampo si Zav Lucero sa iyang 17 puntos ug 11 rebounds.
Puntos matag-usa:
Magnolia (118) - Sangalang 20, Barroca 18, Lucero 17, Lee 17, Laput 10, Dela Rosa 8, Ahanmisi 7, Alfaro 6, Abueva 6, Escoto 5, Lastimosa 4, Dionisio 0, Balanza 0.
Phoenix (99) - Ballungay 25, Garcia 22, Perkins 17, Tio 8, Soyud 6, Tuffin 5, Rivero 4, Manganti 4, Camacho 4, Jazul 4, Daves 0, Ular 0, Verano 0. / RSC